Nouvèl

Dènye kominike ekip Carice la.

Kominikasyon sa a pataje enfòmasyon ki pi resan sou teren an, tankou mizajou sou kontinite sèvis la ak kowòdinasyon ak kominote a pou mini-rezo Carice la.

Nou ankouraje rezidan ak patnè yo swiv chanèl ofisyèl yo pou mizajou, orè, ak gid pratik yo.

Dènye nouvèl. Jwenn kominikasyon ki pi resan nou sou mini-rezo ki nan Carice la.

Mizajou sa a pataje dènye kominikasyon sou teren ki lye ak avansman pwojè a, enfòmasyon pou kominote a, ak kontinite sèvis la nan Carice.

SKDK-SA / Electron Motion voye salitasyon pou tout jounalis ki te prezan nan premye pwen laprès la nan Karis. Ekip la remèsye medya yo pou travay yo nan pataje enfòmasyon verifye ak popilasyon an.

Nan kominike a, pòt pawòl Alexandra Saintil anonse ke depi 25 jen 2026, rezidan Karis yo ka kòmanse enskri pou konekte sou rezo kouran an pou jwenn sèvis kouran lakay yo. Enskripsyon yo fèt nan biwo Electron Motion nan Karis anba bouk, nan estasyon an, anfas kay Mèt Isra.

Pri koneksyon yo rete klè: 3 000 goud pou yon kay senp, epi 10 500 goud pou gwo biznis oswa gwo enstitisyon ki itilize gwo aparèy. Dwa koneksyon sa a pèmèt ekip teknik la verifye enstalasyon elektrik la epi enstale kontè a.

Apre koneksyon an valide, kliyan yo ap kapab chwazi plan konsomasyon yo selon bezwen yo. Sistèm nan mache sou prensip peye alavans, menm jan ak rechaj telefòn.

Kominike a ankouraje popilasyon an pou jere enèji a byen: evite gaspiyaj, etenn anpoul ki pa nesesè, epi dekonekte aparèy yo pa itilize. Mesaj la fini ak remèsiman pou tout aktè ki te sipòte pwojè a, ak yon apèl pou kontinye fè kouran Karis la avanse kòm motè devlopman komin nan.